Oiartzungo bikote bat, aurrera pala txapelketan
Maiatzaren 1eko jai eguna probestu dute, bost norgehiagoka jokatzeko. Oiartzungo bikote batek aurrera egin du: Mitxelena eta Arzallusek.
Zutik, Estefano, Aranburu, Toledo epailea, Arzallus eta Mitxelena. Makurtuta, Muñoa, Ormazabal eta Salbador anaiak. Giriziaren pilota sailak antolatzen Euskal Herriko Pala Txapelketa Irekia pixkanaka ari da aurrera egiten. Pasa den asteazkenean, jai eguna zela aprobetxatuta, bost partida jokatu zituzten Madalensoron.
Horietako batean, Hirugarren Mailakoan, Oiartzungo bikote batek elkarren kontra kanporaketa jokatu zuen. Mitxelena eta Arzallusek osatutako bikoteak lortu zuen garaipena, Aranburu eta Estefanoren kontrako partidan. Zortzi tantogatik (25-17) nagusitu ziren.
Hurrengo kanporaketan Oiartzungo beste bikote bat izango dute aurrean: Markos-Bereziartua. Haiek ere beste oiartzuar batzuei irabazi zieten (Arizmendi eta Arbelaitzi).
Emakumezkoen mailan ere hasi dira partiduak jokatzen, ligaxka moduan oraindik. Aurten zortzi bikote ari dira eta maila handia ari dira erakusten.
Hirugarren Maila
- Mitxelena — Arzallus / Aranburu — Estefano: 25-17.
Bigarren Maila
- Salbador — Salbador / Ormazabal — Muñoa: 25-18.
- Altzuarte — Baraibar / Zurutuza — Otaegi: 25-10.
- Lizaso — Matxain / Berho — Merindano: 16-25.
Emakumeen Txapelketa
- Aranburu — Balerdi / Aizpuru — Rosa: 21-25.
