Hipatiaren Lorategiko mosaikoa eraberritzen ari dira
Igandeetako haur filosofia saioetako kideak ari dira txokoa zaharberritzen, Alaia Gaztelumendiren gidaritzapean. Mosaikoak egiten ari dira.
Hipatiaren Lorategia duela zortzi urte inauguratu zuten. Filosofo heleniarraren izena jarri zioten, eta txokoa apaindu zuten. Denborak, baina, higatu du, eta orain biziberritzen ari dira igandetako haur filosofia saioetan aritzen diren gazteak.
Alaia Gaztelumendi Alaiart-en gidaritzapean egiten ari dira eraberritzea. Izan ere, aurtengo ikasturtean herriko sortzaileak bueltatu dira saioak gidatzera. Gaztelumendirekin Hipatiaren lana eta figura landu dute, eta mosaiko berria diseinatu dute.
Duela zortzi Udane Ansarekin egin zuten mosaikoa, eta berari galdetu zioten ea zer iruditzen zitzaion eraberritzea. Ok-a eman zien, eta lanean hasi ziren.
Hipatiari buruzko saio filosofiko bat egin ondoren, beste hiru saio egin dituzte mosaikoa zaharberritzen. Azkena asteburuan izango da.
