Sukaldari laguntzaileen lan-poltsa osatuko du Urmendik
Maiatzaren 30era arte aurkeztu daitezke oposizioan parte hartzeko eskaerak. Ordezkapenak egiteko erabiliko dute zerrenda.
Oiartzungo Udal Ikastola Partzuergoak (Urmendi Haur Eskola) sukaldari laguntzaileen lan-poltsa osatzeko oposaketa martxan dagoela jakinarazi du Oiartzungo Udalak. Ordezkapenak egiteko erabiliko dute hautaketa prozesutik aterako den zerrenda.
Honako baldintzak bete beharko direla esan dute, besteak beste: oinarrizko lanbide heziketa edo erdi mailakoa edukitzea, janari-erabiltzaile txartela izatea eta euskarako 2. hizkuntza eskakizuna egiaztatzea.
Prozesuan parte hartzeko eskaerak Urmendi Haur Eskolako bulegoan utz daitezke. Astelehenetik ostiralera egin ahal izango da, 09:30etik 15:00etara. Bestela, e-posta bidez ere bidal daiteke. Hilaren 30era arte aurkez daitezke eskaera horiek.
Hamar galderako azterketa teorikoa gainditu beharko dute hautagaiek eta lan esperientzia eta prestakuntza ere baloratuko dituzte. Gipuzkoako Aldizkari Ofizialean ikus daitezke oinarri guztiak.
Zalantzak argitzeko, 943 26 00 86 telefonora deitu dezakete interesatuek.
