Oiartzungo palistak larunbatean hasiko dira Herriartekoan
Andoainen kontra jokatuko dute oiartzuarrek lehenengo kanporaketa. Larunbatean izango da joanekoa, arerioen kantxan.
Julen Zelaiaran oiartzuarra, iazko txapelketan [Arg.: gipuzkoapilota.eus]. Asteburu honetan jarriko dira martxan Herriarteko txapelketako modalitate guztiak. Oiartzuarrak hiru txapelketatan arituko dira, eta palistak asteburu honetan hasiko dira lehian. Lehenengoak izango dira.
Andoainen kontra jokatuko dute lehenengo kanporaketa. Lehenengoa partida kanpoan jokatuko dute oiartzuarrek, Arrate pilotalekuan. 18:30ean hasiko dira norgehiagokak.
Bueltako partidak hurrengo asteburuan jokatuko dituzte, Madalensoron.
Beste modalitateak
Beste bi modalitateei dagokienez, larruzko paleta eta pala motza modalitateak barnebiltzen dituen txapelketan, hurrengo asteburuan hasiko dira oiartzuarrak. Zumaia eta Tolosaren arteko kanporaketako irabazlearen kantxan hasiko dira.
Esku huskako txapelketako egungo txapeldunak dira oiartzuarrak. Horregatik, hirugarren fasera arte (final laurdenak) ez dira lehian hasiko. Ekainaren 2an izango da joaneko partida, arerioaren kantxan, eta bueltakoa astebete geroago, Madalensoron. Astigarraga, Hernani, Aduna edo Azkoitia izan daitezke arerio.
