Udalerri Euskaldunen Egunera Oiartzundik joateko plana antolatu dute
Hilaren 18an izango da festa eguna, Lesakan. Bertara oinez edo autobusean joateko antolatu dute, eta herri bazkarirako txartelak ere salgai daude.
Udalerri Euskaldunen Eguna Lesakan egingo dute, hilaren 18an. Bi urtean behin ospatzen da Udalerri Euskaldunen Eguna, UEMAko kide diren eta ez diren gainontzeko udalerri euskaldunen topaleku gisa. Aurtengo festa Lesakan egingo dute, hilaren 18an (datorren asteko larunbatean).
Gaur aurkeztu dute egun udalerri euskaldunak batuko dituen festa egun hori. 175 dira udalerri euskaldunak, biztanleen %70etik gora euskaldun dutenak. Udalerri horiek euskararen normalizazioari egindako “ekarpena” nabarmendu du aurkezpenean Martin Aramendi UEMAko presidente eta Ataungo alkateak.
Eneko Fernandez Lesakako Euskara zinegotziak Euskal Herri osoko euskaldunak gonbidatu ditu bere herrira, hurrengo larunbateko egunarekin goza dezaten. Egitarau ederra prestatu dutela aurreratu du Fernandezek (albistearen beheko aldean ikus daiteke).
Oiartzundik joateko deialdia
Udalerri Euskaldunen Egunera Oiartzundik joateko deia egin dute. Bi aukera izango direla jakinarazi dute: oinez eta autobusez.
Oinez joan nahi dutenek autobusa Arritxuloraino hartuko dute, 08:00etan, Manuel Lekuona biblioteka parean. Autobusez zuzenean joateko, 09:15ean jarri dute zita, bibliotekan.
Denak batera bueltatuko dira, Lesakako kiroldegian, 19:00etan. 10 euroko prezioa du autobusaren txartelak, eta Landetxeko tabernan eman beharko da izena.
Lesakan herri bazkaria egingo dute, gainera, eta erreserba egin beharko da, 943 493 842 zenbakira deituta edo Hizkuntza Normalizazio Sailera e-posta bidez idatzita. Prezioak honakoak izango dira: 25 euro helduek eta 12 haurrek.
Egitaraua
- 09:45 Diana. Soinulariak eta txistulariak, Harriondoatik.
- 10:00 · UEMAren batzar nagusia.
- Euskara taldeen topaketa: Euskararen olatu berria sortzeko gakoak.
- Haurrentzako herri kirolak.
- 12:30 Ekitaldia, plazan.
- 13:15 Fanfarrea, Lesakako Musika Eskolako ikasleekin.
- 14:30 Bazkaria, Bidenabar taldeak girotuta.
- 18:00 Bertso-triki poteoa, Maddi Ane Txoperena eta Josu Sanjurjorekin.
- 20:00 Larrain dantza herrikoia, Leskakao gaiteroekin.
- 20:45 Erromeria, Trikidantz taldearekin.
- 23:30 Dj festa: Fifi & Fefa.
