Ekla, Piccolo eta Zaria abesbatzen kontzertua larunbatean
20:00etan izango da emanaldia; sarrera doakoa da.
Piccolo eta Ekla abesbatzak, hurrenez hurren. Nazioarteko bi abesbatza ospetsuk bisitatuko dute udalerria eta haiek bezain garrantzitsua den Zariarekin batera ariko dira Fatima Andra Mariaren elizan larunbatean, 20:00etatik aurrera. Lilleko (Frantzia) Ekla abesbatza eta Castelnaudaryko (Okzitania) Piccolo abesbatza ariko dira oholtza gainean, Zaria Koru Eskolarekin batera.
2020an sortu zuten Ekla abesbatza, a Capella ahots talde mistoa da eta 30 koristek osatzen dute. Zariaren hitzetan, “energia kutsakorra” eta “konpromiso artistiko sakona” ditu, “harmonia tradizionalak eta musika koralaren ikuspegi garaikidea uztartzen ditu”.
Piccolo abesbatza 1999an sortu zuen David Briane egungo zuzendariak eta 80tik gora abeslari ditu. Anfitrioi lanak egingo ditu Zaria Koru Eskolak. “Kontzertuak kulturen arteko zubi bihurtuko duela musika nabarmendu dute antolatzaileek.
Emanaldia, doakoa da.
