Areto futboleko taldeek liga erregularra izango dute jokoan
Areto futboleko taldeek gaur irabazi dezakete liga. Lehen taldeak eskura du, eta bigarrenak arerioak egiten duenari itxoin beharko diote.
Oiartzunek Idiazabalen jokatuko du gaur gauean. Oiartzun Kirol Elkarteko bi areto futbol taldeek asteburu honetan bukatuko dute liga erregularra. Biak ala biak gera daitezke lehenengo postuan.
Gauzak errazago ditu lehen taldeak. Bigarren sailkatua —Lauburu Ibarra— bi puntura dute, eta bere eskura dago liga irabaztea. Idiazabalgo kantxa bisitatuko dute.
Bigarren taldea, berriz, liderrarekin berdinduta dago sailkapenean, baina Ttakunekoek bere alde dute gol-averagea. Hala ere, azkoitiarrek hirugarren sailkatuaren kantxan jokatuko dute, eta oiartzuarrek Aldapetaren kontra, ez dutela ezer jokoan. Dena ikusteke dago. Liga bukatzean, kanporaketak jokatuko dituzte lehen sailkatuen artean, txapelduna zein den erabakitzeko.
Emakumeen futbol taldeak ere denboraldia asteburuan bukatuko du. Laugarren postuan daude, eta bosgarrena —Mulier— puntu bakarrera dute. Bizkerreren kantxara joango dira oiartzuarrak; getxoztarrek ez dute ezer jokoan, hamargarren baitira sailkapenean.
Emakumeen 3. RFEF Maila
- Bizkerre B — Oiartzun: etzi, 12:00etan, Getxoko Bolue futbol zelaian.
Gizonezkoen Ohorezko Erregional Maila
- Oiartzun — Urola: etzi, 12:00etan, Karla Lekuona futbol zelaian.
Emakumeen Euskal Liga
- Peña Athletic Santurtzi — Oiartzun B: bihar, 18:30ean, Santurtziko Benjamin Martinez futbol zelaian.
Gizonen Lehen Erregionala. Kopa M-1.
- Dunboa Eguzki — Oiartzun B: bihar, 17:30ean, Irungo San Jose Langilea futbol zelaian.
Emakumeen Ohorezko Erregional Maila
- Oiartzun C — Touring: bihar, 16:30ean, Karla Lekuonako futbol zelai txikian.
Mutilen Gazte Mailako Euskal Liga
- Antiguoko C — Oiartzun: etzi, 17:00etan, Donostiako Berio futbol zelaian.
Mutilen Gazte Mailako Gorengo Maila
- Kostkas Miren Bihotza B — Oiartzun B: etzi, 17:30ean, Donostiako Egia auzoko Matigoxotegi futbol zelaian.
Mutilen Gazte Mailako Lehen Maila. Kopa M-1.
- Zarautz C — Oiartzun Ck: etzi, 15:30ean, Zarauzko Asti-Txiki futbol zelaian.
ARETO FUTBOLA
Gizonen Gipuzkoako Lehen Maila
- Idiazabal Baireformas — Oiartzun: gaur, 22:15ean, Idiazabalgo Zelaa kiroldegian.
Gizonen Gipuzkoako Bigarren Maila
- Miren Taberna — Aldapeta Maria Ikastetxea: gaur, 20:00etan, Elorsoro kiroldegian.
