"Itsasoaren eta izakien zaintzaren garrantzia" aldarrikatzeko, dena prest
Martxa koloretsua egingo dute arratsaldean Trintxerpen, Mater-en egitasmoz. Gudarien plazan jarri dute hitzordua.
Martxa berezi eta koloretsua egiteko prest dira pasaitarrak. Pasaia Itsas Festibalaren barruan, “itsaso eta pertsonen aldeko” martxa egingo dute gaur gazte eta helduek, Mater Ontzi Museo Ekoaktiboaren egitasmoz. Trintxerpetik abiatuko dira laster, Zabor eta Bio erraldoiak alboan dituztela. Batukada baten bitartez, “itsasoaren eta izakien zaintzaren garrantzia” defendatuko dute partaideek. 16:00etatik herritarrak bertaratzen hasi dira.
Mater-eko iturriek gogorarazi dute itsasoa “ez dela zabortegi bat, bizitza iturri bat baizik”: “gure esku esku dago haren zaintza baita bizi garen elkartea, horregatik festibalean elkartearen zaintza aldarrikatuko dugu eta itsasontzira doako bisita ekoaktiboak eskainiko ditugu itsasoa zaintzeko interesa aktibatzeko gure egunerokotasunean”.
Ondorengo elkarte eta eragileek antolatu dute gaurkoa: Mater, Adinkide, Karmengo Ama eta Anunciata ikastetxeak, Trintxerpeko Goyenecheako Garagunea Fundazioa, Club Atletico Trintxerpe, Hurkoa Fundazioa, Pasaiako Udala, Pasaia Zaintza Herrilab eta Itsas Zaintza Sarea.
