Elikadura osasuntsuaz ariko dira, "topikoetatik harago"
Hitzaldi interesgarria eskainiko du Tatiana Arzelus Makazaga nutrizionistak hilaren 22an Trintxerpen. Mokadutxoa izango da ondoren.
![](https://oarsoaldea.hitza.eus/site/files/2024/05/tatiana-arzelus_-nutrizionista-eta-dietista.jpg)
Pasaiako Udaleko Berdintasun arloak hitzaldi interesgarria antolatu du datorren hilaren 22rako (asteazkena da). Elikadura osasuntsua, topikoetatik harago izeneko hitzaldia eskainiko du Tatiana Arzelus Makazaga nutrizionistak. Pasaiako Jabetze Eskolaren barruan gain honen inguruan antolatutako ikastaroaren azken saioa izango da hau. Emakumeei begirakoa izango da.
Hitzaldi honekin “elikadura osasuntsuaren inguruko kontzeptuak argitu” nahi dituzte, “gomendioak eta ideia praktikoak partekatuz”. Dieten kulturaren hainbat mito eta aurreiritzi aztertu eta zalantzan jarriko dituzte. Hitzaldiaren ondoren mokadutxo osasuntsua izango da.
Saioa Trintxerpeko alkateordetzak jasoko du, 18:30etik 20.00etara. Gaztelaniaz izango da, baina pasaitarrek nahiago duten hizkuntza erabili ahal izango dute.