Ekainaren 9ko hauteskundeetako hautets-mahaiak osatu dituzte
Oiartzungo Udalak Europarlamenturako hauteskundeetan mahaietan egon behar dutenen zozketa egin du. Beraien webgunean kontsulta daiteke.
Ekainaren 9an egingo dira Europako Parlamentua osatzeko hauteskundeak. Oiartzungo Udalak hautets-mahaiak osatzeko zozketa egin du, ez-ohiko osoko bilkuran.
Oiartzunen hamahiru mahai izango dira, eta hiru kidek osatuko dute mahai bakoitza: lehendakariak eta bi bokalek. Betebehar hori esleitu zaienek datozen egunetan jasoko dute jakinarazpena. Ekainaren 9an mahaian egon ezin dutenek, Eskualdeko Hauteskunde Batzordean jarri beharko dute helegitea.
Titularrez gain, ordezko postuak ere hautatu dituzte. Lehen bi ordezkoek jasoko dute jakinarazpena (beheko zerrenda gorriz markatuta daude). Dena den, Hauteskunde Batzordeak titular edo lehen bi ordezkoen alegaziorik onartuko balu, baliteke zerrendako hurrengo ordezkoek ere jakinarazpena jasotzea.
Lehen aldiz, zozketaren emaitzak udalaren webgunean ikus daitezke.
