Europako hauteskundeak: Pasaiako mahaien zozketa egin dute
Ezohiko udalbatzarra egin dute gaur Pasaian Europako Parlamenturako hauteskundeetarako mahaikideak aukeratzeko.
Ekainaren 9an dira Europarlamenturako bozak. Horretan, hauteskunde guztietan bezala, Pasaian ere bozka emateko mahaiak jarriko dituzte. Bada horietan izango direnak aukeratzeko zozketa egin dute gaur goizean Pasaiako Udalean, zinegotzien ezohiko udalbatzarrean.
Era batera edo bestera jasoko dute zortedunek mahaietan izatea egokitu zaiela. Edonola ere, jakinarazpen ofizialen zain egon gabe, Pasaiako Udalak online zerbitzua erraztu du berehalako batean (NA zenbakia eta jaiotze eguna jarri behar dira) jakiteko ea mahairen batean aritzea tokatu ote zaien pasaitarrei. Beheko estekan klik egin, eta kontsultarako aukera zuzena:
Europako Parlamenturako hauteskundeak. Mahaietako kideen zozketaren kontsulta.
