Ostegunean zozkatuko dituzte Madalensoroko aparkalekuak
Hilaren 16ko goizean izango da zozketa. Zortzi eskakizun aurkeztu dituzte, libre dauden lau tokiak betetzeko.
Madalensoro pilotalekuaren azpiko aparkaleku itxian lau plaza libre daude. Oiartzungo Udalak deialdia egin zuen, orain dela aste batzuk, toki horiek betetzeko interesa duten herritarrei. Zortzi oiartzuarrek egin dute eskakizuna, eta zozketa egin beharko dute euren artean.
Datorren ostegunean, hilak 16, izango da zozketa. 10:00etan elkartuko da Oiartzungo Udaleko Kontratazio Mahaia. Udaletxeko areto nasian bilduko dira eta irekia izango da saioa. Tokirik gabe gelditzen direnen artean itxaron zerrenda osatuko dute, aurrerago libre gelditu daitezkeen plazak esleitzeko.
Beheko Plazako garajeak 109 leku ditu; 62 edozein herritarrek erabiltzeko. Gainontzeko 47ak interesa izan dezaketenen artean alokairuan esleitzeko. 2019an esleitu ziren gune itxiko 47 plazak, hamar urterako. Epea bukatu aurretik libre geratu diren lau tokiak dira ausaz berriz esleituko dituztenak.
