Ikasleen ekintzailetzarako grina sustatzera datoz dbSariak
Bihar, ostirala, egingo dute ekitaldia Don Bosco LHIIn. Lanbide heziketako eta Bigarren Hezkuntzako ikasleen artean STEAM diziplinak sustatzea du helburu.
Iazko dbSarietara aurkeztutako proiektuetako bat. dbSariak ekitaldia egingo du bihar Don Bosco LHIIk. 11. ekitaldia izango da biharkoa, eta horren bidez, Bigarren Hezkuntza eta Lanbide Heziketako ikasleen artean STEAM diziplinak —zientzia, teknologia, ingeniaritza, ekintzailetza, artea eta matematika— sustatzea du helburu.
Sariek gainera, ikasleen ahalegina eta dedikazioa aitortzen dute, baita haien ikuspegi sortzailea eta beste era batera pentsatzeko gaitasuna ere azaldu dute antolatzaileek: ” Bigarren Hezkuntza eta Lanbide Heziketako ikastetxeek aukera dute ikasleei ikasgelaz haraindiko ekintzailetza eta berrikuntza lantzen irakasteko, ikasleak inplika daitezen eta beren proiektuak bila ditzaten”.
STEAMN eremuan nabarmentzen diren ikasle, irakasle eta profesionalen topaleku izango dira bihar dbSariak, eta jardunaldian zehar, parte hartzaileek proiektu berritzaileak erakusteko aukera izango dute.
Don Bosco LHIIk STEAM hezkuntza sustatzeko duen konpromisoaren erakusgarri direla bestalde dbSariak nabarmen jarri dute antolatzaileek, “baita ikasleek egungo munduaren erronketarako prestatzeko duen konpromisoaren berme. Sarien gaineko informazio gehiago nahi duenak, hemen klik eginda jaso dezake.
- 10:00-12:00: Proiektuen balorazioa eta ebaluazioa
- 12:00-13:00: Epaimahaiaren hausnarketa
- 13:00-13:30: Sari banaketa
- 13:30-14:00: Luntxa
