Zaintza publiko duinaren alde borrokan jarraitzen dute
Elkarretaratzeak egiten ari dira astero Jesusen Bihotza eta Sanmarkosene adinekoen egoitzetan, lan baldintza eta zaintza publiko duinerako eskubideak aldarrikatuz.
Jesusen Bihotza egoitzaren aurrean elkarretaratzea, atzo.Argazkia: Duintasuna Udalerriko bi adinekoen egoitzetako langile eta erabiltzaileen senideek mobilizatzen jarraitzen dute. Lan baldintza egokiak eta zaintza publiko duina aldarrikatzen ari dira, izan ere, bi egoitzetan dagoen langile kopurua ez dela nahikoa salatzen ari dira azken hilabeteotan daukaten lan kargari aurre egiteko. Azken horrek, ezinbestean egoiliarrek jasotzen duten zaintzari eragiten dio, eta ez dela egokia salatu dute behin eta berriz.
Irtenbide “presazkoa” galdegin dute, eta Gipuzkoako Foru Aldundiarekin lehen hartu emana izan badute ere, oraindik ere bere horretan jarraitzen du egoerak, baita protestak ere.
Asteazkenero 11:00etan elkarretaratzen dira Sanmarkosene erresidentziaren aurrean langile eta senideak; ostegunero, berriz, 10:45ean, Jesusen Bihotza egoitzaren kanpoaldean. Duintasunak deituta, berriz, hilabete honetan, astelehenero Zumardiko azoka Txikian eta Niessen Merkatalguneko sarreran ere gaiaren gaineko informazioa zabaltzen ari dira pentsiodunak.
Sanmarkosene egoitzaren aurrean elkarretaratzea, asteazkenean.Argazkia: Duintasuna
