Herriartekoan ahazteko moduko asteburua izan da
Pala motza eta larruzko paleta batzen dituen txapelketako ordezkariak kanporatu dituzte. Gomazko paletan gaizki hasi dute ibilbidea.
Gipuzkoako Herriarteko Txapelketan aritu dira oiartzuarrak, bi txapelketatan. Alde batetik, pala motza eta larruzko pilotarekin jokatzen paletazko modalitatea batzen dituenean, Oiartzunek ez du zortea lagun izan.
Aurreko asteburuan jokatu zituzten joaneko partidak, Andoainen. Oiartzuarrek bi partidak galdu zituzten, alde nahiko handiagatik, eta bikaintasunez jokatu behar zituzten itzulikoak, Madalensoron. Kasu horretan ere bi partidak galdu zituzten, baina borrokatuagoak izan ziren norgehiagokak.
Pala motzean, Juaristi eta Mugika bi puntura geratu ziren (33-35). Argote eta Azpiroz oiartzuarrek osatutako bikoteari, bere aldetik, dozena erdi tanto falta izan zitzaizkion (34-40). Oiartzuarrak, beraz, kanpoan geratu dira.
Gomazko paletan, makal
Gomazko paletan aritzen diren Oiartzungo ordezkariak asteburu honetan hasi dute ibilbidea, Tolosan. Hiru partida jokatu zituzten, eta hirurak galdu zituzten.
Banakako partidan, frontoi osoan, Aranburu bost tantotan geratu zen (hogeira jokatzen dira). Binakakoan, Arzallus eta Belamendiak 20-8 galdu zuten, eta banakako kaiolan —zazpi koadrora jokatzen dena—, Mitxelenak bost egin zituen.
Datorren asteburuan jokatuko dituzte itzulikoak Madalensoron.
