Oiarperen asteburuko partiden emaitzak (2024-05-20)
Zortzi partida besterik ez dituzte jokatu asteburuan. Galardik ezin izan du Antzuolako txapelketako finala irabazi.
Galardi oiartzuarra (buruan zinta duena) eta Balerdi amezketarra txapeldunordeen garaikurra jasotzen, Antzuolan. Azkenaldiko partida kopururik txikiena jokatu dute Oiarpeko pilotariek. Asteburuan zortzi partida jokatu dituzte Oiartzungo klubeko pilotariek.
Garrantzitsuena Galardik zuen, Antzuolan. Bertako txapelketako Haur Mailako finala jokatu zuen oiartzuarrak, Amezketako Balerdirekin batera. Alde Zaharra taldeko Sorondo eta Rey zituzten aurkariak, eta bigarren horiek nagusitu dira, 7-18. Zorterik ez, beraz, neska oiartzuarrarentzat. Ostegunean, behintzat, lehen faseko partida garaitu zuen EBAN Txapelketan.
Asteburuan jokatutako gainontzeko sei partidei dagokienez, hiru irabazi zituzten oiartzuarrek.
Jardunaldia ixteko, Zabaletak finala jokatuko du gaur arratsaldean, 19:30ean. Bergara Hiria Txapelketako Etorkizuneko Pilotariak kategoriako txapela izango da jokoan. Oiartzuarrak Bullon Lagun Onak taldeko azpeitiarrarekin jokatuko du LAPKEko Ibarluzea eta Markinako Calvoren kontra.
