Haurtzaroko dantzarien saioa eta Ikastola Eguna, ekaina hasteko
Ekainaren 1ean emanaldia eskainiko du Haurtzaro Dantza Taldeak, eta biharamunean ikastolaren egun handia izango da.
Haurtzaro Ikastolako komunitateak bere asteburua ospatuko du ekainaren hasieran. Lehenik eta behin, hil horren lehen egunerako —datorren asteko larunbatean— bi urtean behin egiten duen dantza emanaldia eskainiko du Haurtzaro Dantza Taldeak.
Saio berezi hori Elorsoro kiroldegian izango da, 18:00etatik hasita. Dantzariak ari dira pixkanaka entseatzen.
Igandean, berriz, urtero egin ohi den Ikastola Egunaren txanda izango da. Goizean goiz hasiko dira ekitaldiak, eta arratsera arte jarraituko du. Tarte horretan, egitarau oparoarekin gozatzeko aukera izango dute.
Egitaraua
- 08:00etan: Ginkana, LH3tik gorako ikasleentzat.
- 11:15: Eskolaz kanpoko ekintzen emanaldia:
- Bertsolariak, trikitilariak eta pandero jotzaileak.
- Musikart-en emanaldia.
- Zirku tailerra.
- Euskal dantza.
- 12:00etan: Ekitaldi ofiziala.
- Lehendakariaren agurra.
- Eskuttun taldeari ikastolaren esker ona.
- Talde Berdeari Ikastolaren esker ona.
- DBH4 mailako ikasleei agurra, eta haien agurra ikastolari.
- Ekitaldia bukatzean, eskolaz kanpoko ekintzen jarraipena.
- Gimnastika erritmikoa.
- Gimnasia akrobatikoa.
- 13:30ean: Haurren bazkaria, ikastolako pilotalekuan.
- 14:00etan: Helduen bazkaria, ikastolako pilotalekuan. DBH3 mailako saskien zozketa eta bingoa.
- 14:30ean: Gaztelu puzgarriak eta haurrentzako tailerrak (galtzerdiak eraman behar dira).
- 16:00etan: Kiki eta Moko pailazoak.
- 17:30ean: Eskolaz kanpoko ekintzetako dantza modernoko emanaldia.
- 18:30ean: Buruhandiak.
- 19:00etan: Apar festa (toalla eta uretako oinetakoak eraman behar dira).
- Egun osoan zehar, taberna zerbitzua, DBH3ko gurasoen eskutik.
