Igandean itxiko dira udako eskubaloi campuseko izen emateak
Oarsoaldeko eskubaloi taldeek udako campusa antolatu dute ekainaren 24tik 28ra eta uztailaren 1etik 5era, Errenteria-Oreretako Galtzarabordako kiroldegian. Igandea da izena emateko azken eguna.
Oarsoaldeko hiru eskubaloi taldeek, Errenteria-Oreretako Ereintza Eskubaloiak, Lezoko Munttarpek eta Pasaiako Donibane Eskubaloiak, indarrak batu dituzte berriz ere udako eskubaloi campusa antolatzeko. Campusa ekainaren 24tik 28ra eta uztailaren 1etik 5era izango da Errenteria-Oreretako Galtzarabordako kiroldegian. Jarduerak 09:30etik 13:30era izango dira, eta 2011 eta 2015 urteen artean (biak barne) jaiotako haurrei dago zuzenduta campusa; hau da, 8 eta 13 urte bitarteko haurrek har dezakete parte.
Antolatzaileek apirilean ireki zituzten izen emateak, eta inskripzioak azken txanpan sartu dira, igandea (hilak 26) baita campusera batzeko azken eguna. Partaideek astebeteko aukera (lehen astekoa edo bigarrenekoa), edo bikoa hauta dezakete. Horren arabera, prezio bat edo beste ordaindu beharko da. Antolakuntzan dabiltzan taldeen bazkideek beherapenak izango dituzte inskripzioa egiterakoan. Informazio gehiagorako, campuserako prestatu duten posta elektronikora mezua bidal daiteke.
Prezioak eta izen emateak
- Astebeteko aukera:
- Lehen asterako (ekainaren 24tik 28ra). Prezioa partaideko: 85 euro. Eskubaloi taldeen bazkideena, 80 euro. Familia bereko bigarren partaidearen (anaia, arreba edo ahizpa) izen ematearen prezioa: 70 euro (bazkideena 65 euro). Izena emateko klik egin hemen.
- Bigarren asterako (uztailaren 1etik 5era). Prezio partaideko: 85 euro. Eskubaloi taldeen bazkideena, 80 euro. Familia bereko bigarren partaidearen (anaia, arreba edo ahizpa) izen ematearen prezioa: 70 euro (bazkideena 65 euro). Izena emateko klik egin hemen.
- Bi asteko aukera:
- Prezio partaideko: 140 euro. Eskubaloi taldeen bazkideena, 135 euro. Familia bereko bigarren partaidearen (anaia, arreba edo ahizpa) izen ematearen prezioa: 115 euro (bazkideena 11o euro). Izena emateko klik egin hemen.
