ABB Niessengo langileen %90 ari da lanuztea egiten
Bigarren mobilizazio eguna dute, lan hitzarmenaren alde, eta kalera atera dira. Langile ia guztiek bat egin dute deialdiarekin.
ABB Niessengo langileek atzo hasi zuten mobilizazioa, hitzarmen baten alde. Enpresak blokeatu duela esan dute LAB, ELA eta UGTk osatzen duten enpresa batzordeak.
Txanda bakoitzean ordubeteko lanuztea egiten ari dira langileak, eta hurbil duten biribilgunean egiten ari dira elkarretaratzeak.
Gaur dute bigarren lanuzte eguna, eta bihar izango da hirugarrena. Oraingoz ez dute mobilizazio gehiagorik iragarri.
Honakoak dira egin dituzten aldarrikapen nagusiak: soldatak, zaintza egoeretarako lizentziak, lanaldi murrizketa, 50 urtetik gorako langileen gaueko txanda kentzea, eta aldi baterako lan kontratuak erregulatzea
