Ergoienera joan-etorriak Xorrolan, larunbat gauean
Elizaldetik aterako da autobusa gauerdian, eta ondoren auzotik bost aldiz aterako da autobus berdea, herriko auzoetara.
Auzoko txosnak beste itxura bat izango du larunbat gauean. Datorren asteburuan izango dira Ergoiengo santoniyuak (egitaraua, hemen). Auzoko jai batzordeak dena prest du, eta udalak bere ekarpena egingo duela iragarri du. Xorrola autobus zerbitzua larunbat gauean martxan izango da, mugikortasuna errazteko.
Udalak adierazi duenez, autobusa 00:00etan aterako da Elizaldeko geltokitik, zuzenean auzora joateko. 00:30ean irtengo da Ergoiendik lehenengo bidaia. Ondore, beste lau aldiz aterako da Tornola kaleko geltokitik, orduero, puntuan, 04:00ak arte. Xanistebanetako ibilbidea egingo du, auzo guztietatik.
Ibilbidea eta ordutegia
- 00:00etan: Elizaldetik Ergoienera zuzenean.
- 00:30, 01:00, 02:00, 03:00 eta 04:00, Ergoiendik auzoetara:
- Ergoien (irteera): Tornola kaleko autobus geltokia.
- Altzibar: Zokoloko zubia.
- Karrika: plazako autobus geltokia.
- Iturriotz: Beko soro pareko autobus geltokia.
- Ibarre: gasolindegiko geltokia.
- Elizalde: Pikabeneko geltokia.
- Ugaldetxo: Intxixu pareko autobus geltokia.
- Arragua: Lartzabal etxadiko geltokia (farmaziaren ondoan).
- Mendin: frontoi gaineko geltokia.
- Elizalde: biblioteka ondoko geltokia.
- Gurutze: Bizardia plazako autobus geltokia.
