Hamabi enplegu eskaintza, Errenterian, 30 urtetik beherakoentzat
Gazte Enplegu Planaren bitartez eskaintzen dituzte lanpostuak. Izen emate epeak ekainaren 17an eta 26an amaituko dira.
Errenteriako Udalak hamabi enplegu eskaintza zabaldu ditu 30 urtetik beherakoentzat, Gazte Enplegu Planaren bitartez.
Hauek dira eskaintzen dituzten enpleguak: Hezkuntza eta Gazteriako teknikaria, Kontratazioko eta Ondareko teknikaria, Arkitekto teknikoa/Ingeniari teknikoa, Administraria (3 lanpostu), Dinamizatzailea, Gizarte langilea, Informatikaria, Agertokietako teknikaria, Ingurumen teknikaria eta Komunikazio teknikaria.
Prozesu hauetan parte hartzeko ezinbesteko baldintzak dira 30 urte baino gutxiago izatea, langabezian egotea lan kontratuaren eguna baino egun bat lehenagotik, Lanbiden alta moduan inskribatuta egotea bai eta Gazte Berme Sisteman inskribatuta egotea ere. Horretaz guztiaz gain, lanpostu bakoitzak eskatzen duen titulazioa eta euskara hizkuntza eskakizuna izan beharko dira.
Izena Lanbideren web orriaren bidez emango da, eta Hezkuntza eta Gazteriako teknikarien eta Kontratazio eta Ondareko teknikarien kasuan epea ekainaren 17an amaituko da; gainerako lanpostuetan, berriz, ekainaren 26an. Kontratuak aurtengo abuztuan hasiko dira -Kontratazio horiek Euskal Autonomia Erkidegoko 2021-2027 EGIFF programaren esparruan egiten dira, eta Europar Batasunak kofinantzatzen ditu-.