Altzibartarrak prest daude festekin gozatzeko
Ekaineko azkeneko asteburuan izango dira auzoko sanpedroak. Egitarau oparoa prestatu dute ordurako. Bihar, truk txapelketa aperitibo gisa.
Auzoetako festen ibilbideak aurrera jarraitzen du. Arragua eta Ergoiengo festak atzean utzita, Altzibarren txanda izango da hurrena (bihar Donibane kalekoak izango dira, baina hori kale bat da).
Altzibartarrak prest daude sanpedroak ospatzeko. San Pedro Eguna, gainera, asteburuan izango da. Ostegunean hasiko dira, ohiko suziri jaurtiketarekin, eta pintxo-potearekin. Ostiral arratsez, eta larunbat eta igandean egun osoz jarraituko du festak.
Asteburu honetan, baina, festen aurrekariak ospatuko dituzte. Oiartzun Pasaia ez denez, sanpedroetan sanjoanak ospatuko dituzte, sua piztuz. Etziko gau goxoaz gain, biharko truk txapelketa antolatu dute, Esku Garbia elkartean.
Egitaraua
Larunbata (hilak 22)
- 16:30ean: XXXVIII. Truk Txapelketa Altzibarko Esku Garbia elkartean. Izen ematea: 15 euro bikoteko. Izen ematea 16:15ean itxiko da.
- Sariak:
- 1. Txapela eta mariskada.
- 2. Arkume bat eta bi ardo botila.
- 3. Bi txuleta eta bi oilasko.
- 4. Bi ardo botila eta bi oilasko.
- Errepeska:
- 1. Bi langostino kaxa eta bi ardo botila.
- 2.Bi langostino kaxa.
- Sariak:
Igandea (hilak 23)
- 19:30ean: Sanjoan sua prestatzen hasiko dira (Beko Soroan).
- 21:00etan: Sua piztuko dute. Ondoren afari-merienda bertan (bakoitzak berea eramanda).
Osteguna (hilak 27)
- 18:30ean: Festei hasiera emateko suziria eta traka.
- 18:30etik 20:30era: Pintxo-potea.
Ostirala (hilak 28)
- 18:00etan: Buruhandiak txistularien laguntzaz, auzoko kaleetan zehar.
- 20:00etan: Elkarretaratzea dultzaineroen laguntzaz.
- 20:30ean: Herri afari-merienda plazan.
- Tortilla jatea.
- Sardina jatea (dohainik, dagoena bukatu arte!).
- Afarian zehar mariskada eder baten eta beste sari askoren zozketa egingo da.
- 23:00 Kontzertuak, auzoko plazan.
- The Iiingles.
- Mala ruina.
Larunbata (hilak 29)
- 10:00 Altzibarko XIII. haur eta gaztetxoen duatloia. 2 urtetik 14 urte arteko haur eta gaztetxoentzat.
- Bizikleta eta kaskoa (derrigorrezkoa) norberak ekarri beharko ditu. Parte hartu nahi dutenek 10:00etan Altzibarko plazan egon beharko dute.
- 11:00etatik 13:00etara: Munduko dantzen erakustaldia Altzibarko plazan, Abarka Elkartearen eskutik.
- 11:30ean: Erraldoi txikien kale-buelta.
- 13:00etan: Toka txapelketa helduentzat eta bote txapelketa, haurrentzat plazan.
- Helduen sariak:
- 1. Gazta eta ardo botila.
- 2. Bi ardo botila.
- Helduen sariak:
- 14:00etan: Jubilatuen bazkaria, Bazkun Zahar Berri elkartean.
- 17:30ean: Danborreroen poteoa plazan, txaranga eta buruhandiekin.
- 19:00etan: Altzibarko haurren eta helduen danborrada, Olaldetik hasita.
- Danborrada bukatzean, afaltzeko aukera izango da plazan.
- 22:30ean: Bingo musikatua.
- 00:00etan: DJ Mitx eta Marea Arrosa auzoan. Arrosa kolorez jantzita/mozorrotuta etorri!
Igandea (hilak 30)
- 09:00etan: Diana.
- 10:30etik aurrera, goiz eta arratsaldez, herriko artisauen azoka plazan.
- 12:00etan: Bermujazz, Pepermin taldearekin animaturik.
- 12:00etan: Gaztetxoen II. Bizkotxo Txapelketa (norberak etxean egina).
- 14:00etatik aurrera: Paella bazkaltzeko aukera plazan.
- 17:00etan: Dantza familian plazan, Ixiar Oriarekin.
- 18:00etan: Haur jolasak eta txokolatada, plazan.
- Ondoren (19:30 aldera): Apar festa, Olalden.
- 20:00etan: Afaltzeko aukera plazan.
- 21:30ean: Mikrofono irekia, animatzen denarentzat.
- 22:00etan: Festekin bukatzeko suzko zezena.
