Astilleron hasiko du lehia Hibaikako Gizonen traineruak
Asteburuan hitzordu bikoitza, Hibaikako gionen tripulazioak: Bihar Astilleron (Kantabria) hasiko dute liga, eta etzi, Donibanen ariko dira.
Hibaikako gizonen taldea aurkezpen ekitaldian. KAE2 Ligak bihar hasiko du denboraldia, Astilleron (Kantabria, Espainia) eta bertan izango da, lehian, Hibaikako Gizonen ontzia. Arratsaldean dute zita, 17:15ean hasiko da estropada. Erlojupekoa izango da biharko estropada, kale bakarrean, eta bost luze egin beharko dituzte.
Irteera hurrenkera, berriz, ondokoa: Castreña, Lutxana, Busturialdea, Donostiarra, Santoña, Hibaika, eta Astillero; Hibaika beraz, seigarren biharko erlojupekoan.
Asteburuan hitzordu bikoitza izango dute KAE2 Ligan ari diren ontziak. Igandean, goizez jokatuko dute Pasaiako Ikurrina Donibanen. 11:10ean hasita, erlojupekoa izango da estropada hori ere, eta lau luze egin beharko dituzte.
Maila “polita” emateko asmoarekin irtengo da David Iglesias Albizuk entrenatzen duen ontzia, hialbete honetan bertan tarineruen aurkezpen ekitaldian eman zuen taldearen asmo entrenatzaileak: “Gogo handia eta ilusioa duen taldea elkartu gara aurten. Espero dugu, datozen urteetan maila polita emateko aukera izatea, gure gazteek, traineru batekin identifikatzeko aukera izan dezaten, Hibaikara etortzeko gogoa izan dezaten. Poliki-poliki, ahal duguna egingo dugu eta agian denbora apur bat beharko dugu, baina lortuko dugu”.
Taldearekin sinistuta Iglesias —entrenatzailea izateaz gain, arraunlari ere bada Hibaikaren ontzian— bihar izango dute Errenteria-Oreretako arraunlariek liga barruko lehen erakustaldia egiteko aukera.
Bertaratu ezin dutenek, zuzenean estropadak jarraitzeko aukera izango dute. Horretarako egin klik hemen.
KAE2 Ligako estropada egutegia, hemen kontsulta daiteke.
Hibaikako gizonen ontziko arraunlariak
Gizonen trainerua
- Adur Ferradas Aizpurua
- Aitor Legorburu Gomez
- Alejandro Fariña Roma
- Ander Plata Gomez
- Ander Rekondo Herrero (Patroia)
- Ander Urtasun Osacar
- Anxo Murua Duran
- Edgar Leal
- Eneko Aramendia Bartolome
- Ibai Vaquero Legarra
- Iraitz Lamana Lopez de Uralde
- Javier Erro Martinez
- Jon Alvarez Zugasti
- Jordi Triadu Dominguez
- Jose Antonio Pereira Da Silva Maia
- Lorenzo Agudo Quilez
- Oier Aierdi Gupegi
- Oier Gallastegi Rodriguez
- Oier Kalegain Noguera
- Unax Fernandez Pego
- Entrenatzailea eta arraunlaria: David Iglesias Albizu
