Jaietarako motorrak berotzen hasiko dira sanpedrotarrak
San Pedro Jaiak ofizialki datorren ostegunean hasiko badira ere, datozen egunetarako ere askotariko ekitaldi eta ekintzak izango dira barrutian.
Iazko San Pedro Jaien irudi bat. San Pedro Jaiak ate joka dira, festa usaina sumatu daiteke jada barrutian. Datorren ostegunean (hilak 27) ofizialki abiatuko badituzte ere, egunotan motorrak berotzen hasiko dira. Txapelketak, erakusketak, kirol probak, kalejirak, musika, dantza… Bihartik asteazkenera arte ere gozatzeko hamaika modu izango dira San Pedroko kale, plaza eta txokotan.
Datozen egunotan argitaratuko du HITZAk San Pedro Jaien egitarau osoa.
Beheko koadroan bihartik asteazkenera arteko egitaraua kontsulta daiteke:
Egitaraua:
Bihar, larunbata, Galizia Eguna
- 07:30. Arraitxiki txapelketa (12:30ean sari banaketa).
- 11:30. Arraunlarien eta harrobiaren aurkezpena Torrean.
- 16:00. Torrean, herri triatloia.
- 16:00. Mus txapelketa Parisien tabernan.
- 18:00. Bote txapelketa La Cepa tabernan.
- 18:30. Gaita bandaren kalejira.
- 20:00. Galiziako pintxoak ludotekan.
- 20:00. Begihaundin, Radio Rebelde Coversen kontzertua.
- 20:30. Mariatxiak Arrantzaleen auzoan.
Etzi, igandea
- 12:30. 80 urtekoen eta hildakoen aldeko meza eta aurreskua (14:00etan bazkaria).
- 22:00. San Juan sua, Lamiak dantza taldearekin.
Asteartea, hilak 25
- 20:00. Festetako pregoia, Habaneren kontzertua elizan.
Asteazkena, hilak 26
- 17:00. Haurren frontenis finala (6-16 urte).
