Xanistebanetako kanten zerrenda egiteko aukera izango da aurten ere
10 eta 25 urte arteko gazteek hamar kanta ditzakete, eta horietatik zortzi euskarazkoak izan behar dute. Sariak izango dira.
Oiartzungo Udalak eta Ttiriki-ttauki (Elizalde Institutua) eta Eskuttun (Haurtzaro) euskara batzordeek klasiko bilakatu den dinamika martxan jarri dute aurten ere. Xanistebanetarako zein udako kantak izateko abestien zerrenda osatuko dute, herriko gazteen proposamenak jasota.
10 eta 25 urte arteko gazteek parte hartu ahal izango dute. Proposatzen dituzten abestiekin hamar kantako playlist-a egingo dute. Iniziatiban parte hartu nahi dutenek hamar kantako zerrenda osatu beharko du. Horietako zortzi euskarazkoak izango dira.
Norberaren gustuko kantek osatutako zerrendak osatzeko azkeneko eguna hilaren 28a (datorren ostirala) izango dela jakinarazi dute. Horretarako, prestatu duten galdetegia osatu beharko dute.
Udako kanten zerrenda osatzen lagunduko dutenen artean sariak zozkatuko dituzte. Saria bozgorailuak eta barraketan ibiltzeko fitxak izango dira.
