Oiartzun, Herriarteko finalera
Beasainen jokatu dituzte itzuliko partidak, eta lehenengo partidetan bezala, 2-1 irabazi dute oiartzuarrek.
Oiartzungo pilotariak, Beasaingo Antzizar pilotalekuan. Laugarren aldiz jarraian lortu du Oiartzunek balentria. Esku huskako finala jokatzeko txartela lortu dute oiartzuarrek gaur arratsean, Beasainen.
Abantailarekin joan dira oiartzuarrak Goierri aldera, joaneko partidetan 2-1 irabazita. Madalensoron bezala, kadete eta jubeniletan nagusitu dira oiartzuarrak, 22-3 eta 22-15 irabazita. Nagusien partidan 22-9 galdu dute, baina ordurako guztia erabakita zegoen.
Finala datorren larunbatean, hilak 30, jokatuko dute, Donostiako Atano III.a pilotalekuan, 16:30ean hasita. Sarrerak astearte eta ostegunean salduko dituzte, Oiarperen bulegoan (Madalensoro pilotalekuan dago). 18:00etatik 20:00etara pasatu beharko da bertatik. Oiartzungo pilotazaleen babesa ezinbesteko bultzada izango da.
Arerioa Zaldibia izango da. Txapelketa polita egin dute goierritarrek. Oiartzuarrek hirugarren aldiz jantzi nahi dute txapela, eta irabaztekotan, beraien historiako laugarrena izango litzateke.
