Erraldoien Agurrarekin hasi dute jaien maratoia
Udalak zaharberritu eta sortu dituen erraldoi eta buruhandiak aurkeztu zituen atzo Donibanen, ekitaldi berezi batekin. Barruti bakoitzak bere erraldoia du jada.
Santiago plazan alaitu zuten erraldoi eta buruhandiek. Atzokoa egun berezia izan zen pasaitarrentzat, bereziki etxeko txikienentzat. Erraldoien Agurra ekitaldiak jendetza bildu zuen Donibanen, eguraldia lagun izan ez bazen ere, jakin-mina piztu zuen lehen ekitaldiak. Udalak zaharberritu eta sortutako erraldoi eta buruhandien konpartsa berria aurkeztu zuen, txupinazo, dantza, musika emanaldi eta guzti. Hasi da festen maratoia Pasaian.
Herriko historian erraldoi asko izan badira ere, ere, azken urteetan Mikeletea eta Iñudea izan dira Pasaiako erraldoi nagusiak Atzotik, baina, beste bi berri ditu Pasaiak: Batelera (Donibane ordezkatuz) eta Txikiteroa (San Pedro ordezkatuz). Buruhandi berri bat ere izango du herriak, Arrantzale, Blas de Lezo eta Batelera buruhandiek aurrerantzean Txupinera izango dute alboan. Haiekin gozatzen aritu ziren atzo etxeko txikiak eta ez hain txikiak ere.
Kalejiran aritu ziren herriko bizilagun handienak, haur eta gurasoz inguratuta. Santiago plaza izan zen ekitaldi nagusia, ederra eta hunkigarria. Pasaiako Batelerak ere han izan ziren.
Atzo estreinakoz egindako ekitaldia urtero errepikatzeko asmoa du udalak, barrutiz barruti eramango dute.
Jarraian atzoko ekitaldian jasotako zenbait irudi:
