Oarsoaldeko turismo bulegoek udako ordutegien berri eman dute
Oarsoaldeko turismo bulegoak eta informazio puntuak zabaldu dituzte, eta ordutegi zabalagoak ezarri dituzte bisitariei harrera egiteko.
Udarekin batera, Oarsoaldeko turismo bulegoek udako ordutegien berri eman dute.
Batetik, Errenteria eta Pasaiako turismo bulegoek beraien ateak zabalduko dituzte udan, uztailaren 1etik abuztuaren 31 arte. Egunero zabalduko dute, 9:30etik 14:30era eta 15:30etik 18:30era.
Bestalde, San Marko gotorlekuko informazio puntuak ere bere ordutegia luzatuko du, eta irailaren 29a arte zabalduko dute. Kasu honetan asteazkenetik igandera egongo da irekita, 10:00etatik 14:00etara, eta 16:00etatik 18:00etara.
Horretaz gain, Errenteriako Listorreta-Barrengoloiako informazio bulegoa ere irekita dago maiatzaren 31tik. Gune hau ostegunetan 08:30etik 14:00etara eta ostiral, larunbat, igande eta jai egunetan 08:30etik 14:00etara eta 15:00etatik 18:30ra irekiko dute irailaren 29 arte.
Azkenik, Oiartzungo turismo bulegoa uztailaren 1etik irailaren 1era arte zabalduko dute. Arizmendienea etxe museoa 9:30etik 14:30era eta 15:30etik 18:30era irekiko dute egunero.
