Haur sahararrei ongietorria egin diete Donibanen
Oporrak Bakean programaren barruan, lehen talde bat iritsi zen atzo gurera. Bixi-Bixik behar bezalako harrera antolatu zuen.
Bixi-Bixi elkarteak antolatuta, harrera egin zieten atzo haur sahararrei. Saharatik heldutako haurrak Euskal Herrira iristen hasi dira, aurten 3.000 haur inguru jasotzea aurreikusi du Oporrak Bakean programak. Hemen ere, Oarsoaldean, asko familia harrera izango dira uda honetan, gerratik eta basamortuko berotik ihes egiteko aukera izango dute askok gurean.
Atzo Saharatik heldutako lehen taldetxo bati ongietorri beroa egin zioten Pasai Donibanen. Bixi Bixi elkarteko Ixiar Goienetxeak aitortu du haurrek “bidaia oso gorra” izan zutela, baina irrikaz eta pozik iritsi zirela 17:·30ak inguruan. Aurten, bederatzi haurrek pasako dute udara hemen, hain zuzen, bik Oiartzunen, bik Errenteria-Oreretan, bik Lezon, bik Donibanen eta batek San Pedron.
Bixi-Bixiko kideak aipatu du orain mediku azterketak pasako dituztela haurrek, eta elikaduran jarriko dutela fokua bereziki. Udalekuetan izena emana dute denek dagoeneko, eta abuztuaren 30era bitarte (orduan itzuliko dira Saharara) uda eder, bakedjtsu eta zoriontsu batez gozatuko dute. Haurrak zein harrera familiak, irrikaz dira.
