Oarso 2024 aldizkariaren aurkezpena ostiralean egingo dute
800 ale argitaratu dira, eta salgai egongo dira 7,18 euroren truke uztailaren 6tik aurrera herriko liburu denda, kiosko eta saltokietan.
Oarso 2023 aldizkariaren aurkezpena Seigarrenez, kolaborazio guztiak eskertzeko eta egileen eskutik eduki batzuk ezagutarazteko asmoz, Oarso 2024 aldizkariaren aurkezpen irekia egingo dute herritar guztientzako Niessen Kulturguneko Auditorioan ostiral honetan, 18:30ean.
Gonbidapenak helbide honetan edo Lekuona Fabrikan (astelehenetik ostiralera 9:00 eta 20:00 artean) eskuratu daitezke.
Aurtengo urtekariak 312 orrialde ditu, eta 43 kolaborazioren bidez gizarte bizitza xehatu, tokiko historia berreskuratu, kultura bizitza aktiboa islatu eta pertsona esanguratsuen biografiak jasotzen ditu.
Orotara 800 ale argitaratu dira, eta salgai egongo dira 7,18 euroren truke larunbat honetatik aurrera, leku hauetan:
- Beraun: Beraun estankoan.
- Erdigunea: Bixen kioskoa, Etxenike loteria, Josemi kioskoa, Maitexa estankoa, Mirentxu liburu denda, Noski liburu denda, Xenpelar kultur denda, eta Txustin.
- Fanderia: Maryam liburu dendan.
- Iztieta: Razquin estankoan.
- Olibet: Rojas liburu dendan.
- Udaletxea: ZU! Arreta zerbitzua.
Hala ere, Errenteriako Udalaren webgunean ere eskuragarri egongo da urtekaria, doan irakurri eta deskargatzeko.
