Datorren astelehenetik aurrera, ordutegi murriztua anbulatorioan
Uda dela eta, Osakidetzak murrizketa iragarri zuen hainbat osasun-zentrotan. Oiartzungoa da horietako bat; 'bulego ordutegia' izango du irailera arte.
Astegunetan 15:00etara arte izango da irekita [Arg. Google]. Osakidetzak murrizketa iragarri zituen osasun-etxeetako ordutegietan. Oiartzungoa da horietako bat, eta hurrengo astelehenean (uztailak 8) hasiko dira ordutegi murriztuarekin.
Jakinarazi dutenez, 08:00etatik 15:00etara bitartean izango da irekita. Irailaren 13an (ostirala) izango da ordutegi hori izango duen azkeneko eguna, jakinarazi dutenez.
Errenteria-Oreretako Iztieta-Ondartxo auzoko anbulatorioko Etengabeko Arreta Gunean jaso daitezke arretak, astelehenetik ostiralera, 17:00etatik 08:00etara bitartean. Asteburutan 24 orduz ematen dute zerbitzua. Hemen kontsula daiteke informazio gehiago.
Murrizketa horien harira, pasa den plenoan mozioa aurkeztu zuen Duintasunak, murrizketak salatuz. EH Bilduren aldeko botoekin atera zen aurrera.
