Arrantzari lotutako enpresa berriek laguntzak jasoko dituzte
Itsas Garapen Elkarteak jakinarazi du Pasaian mikroenpresa, enpresa txiki edo ertain bat sortu edo garatu nahi duen edonork ahalko duela eskatu. Abuztuaren 2ra arte egin daitezke eskaerak.
Berdela deskargatzen Hondarribian. Itsas Garapen Elkarteak jakinarazi berri duenez, arrantza eremuen garapen eraginkorrerako partaidetzazko toki garapenaren estrategientzako proiektuetarako laguntzak argitaratu berri dituzte Euskal Herriko Agintaritzaren Aldizkarian. Honen arabera, Pasaian mikroenpresa, enpresa txiki edo ertain bat sortu edo garatu nahi duen edonork, bai eta pertsona fisikoek ere, eskatu ahal izango dituzte.
Laguntza hauek arrantza eremuen garapena sustatzea dute helburu, negozio ildo berriak abiatuz, enplegu berriak sortzeko asmoz. Hala, Pasaian arrantza eraginkorra bultzatuko duten proiektuek laguntza jasoko dute.
Proiektu hauetara bideratuta daude laguntza horiek: Arrantza sektorea babesten duten eta haren jarduera ekonomia dibertsifikatzen duten proiektuak; Lurraldean hazkunde urdina sustatzen duten ekimenak; Gure arrantza komunitateetan ekonomia urdinerako trantsizioa bultzatzen duten proiektuak.
Laguntza eskatzeko epea abuztuaren 2an itxiko dute, egun hori barne.
Informazio gehiago jasotzeko 688 62 80 94 telefono zenbakira hots egin daiteke, edo bestela, helbide honetara idatzi.
