Bonu Sozial Elektrikoaren deskontuetan aldaketak iragarri dituzte
Datorren urtebetean deskontuak txikitzen joango dira. Hala ere, irailaren amaiera arte indarrean dauden deskontuek berdin jarraituko dute.
Oarsoaldeako Energia Bulegoak jakitera eman duenaren arabera, gobernuak Bonu Sozial Elektrikoaren deskontuetan aldaketak iragarri ditu; ehunekoak txikitzen joango dira datorren hilabetean.
Hauek dira hartu dituzten erabaki zehatzak:
- 2024ko uztailaren 1etik irailaren 30era gaur egun indarrean dauden deskontuan mantenduko dira:
- Kontsumitzaile zaurgarria: %65
- Kontsumitzaile zaurgarria larria: %80
- 2024ko urriaren 1etik abenduaren 31ra:
- Kontsumitzaile zaurgarria: %57,5
- Kontsumitzaile zaurgarria larria: %72,5
- 2025eko urtarrilaren 1etik martxoaren 31ra:
- Kontsumitzaile zaurgarria: %50
- Kontsumitzaile zaurgarria larria: %65
- 2025eko apirilaren 1etik ekainaren 30era:
- Kontsumitzaile zaurgarria: %42,5
- Kontsumitzaile zaurgarria larria: %57,5
Inork Bonu Sozialen onuradun izan daitekeela uste badu edo energiarekin lotutako edozein gairi buruzko informazioa nahi badu, Oarsoaldeko Energia Bulegoarekin jarri beharko da harremanetan. Astelehenetan Oiartzunen (Mendiburu kalea, 3) egoten dira; asteartetik ostiralera, berriz, Errenterian (Olibet, 6).
