Poesia Egunean parte hartu nahi dutenek eskaera egin dezakete
Irakurle izan nahi dutenek idatzi antolatzaileei eska diezaiekete. Hilaren 14an egingo dute aurtengo ekitaldia.
Iazko Poesia Eguneko irudia. 2021ean hasi ziren Poesia Eguna antolatzen, Kulturabirusaren abaroan, eta iniziatiba hura Arte Egunak bilakatu zenean jarraitu zuten. Aurtengo ekitaldiak data zehaztua dauka: irailaren 14an izango da, larunbatarekin.
Aurtengo poemen ildoa Arrastoa izango dela jakinarazi dute antolatzaileek. Zehazki, norberarengan arrastoa utzi duten poemak izango dira protagonista. Hiru gunetan izango dira jarduerak, 11:00etatik aurrera. Cadarson jarri dute zita, eta bertatik mugitu egingo dira.
Poesiak ezer behar baldin badu, hori irakurleak dira. Horregatik, oiartzuarrak —eta parte hartu nahi duen oro— animatu dituzte parte har dezaten. Horretarako, e-posta bidez harremanetan jartzeko deia egin dute.
Jakinarazi dutenez, abuztuaren 1a izango da eskaera egiteko azkeneko eguna.
