38 tona biohondakin kudeatu dira konpostaje bidez udalerrian
Aurten 168 familiek eta etxebizitzek izango dute %40ko hobaria hondakinen zergan konpostaje programan parte hartzeagatik.
2023an 38 tona biohondakin kudeatu ziren konpostaje bidez eta 11,8 tona konpost sortu ziren Errenteriako konpostajearen udal egitasmoaren barruan. Konpostaje programaren barruan, 111 familia ari dira etxeko konposta egiten, eta horren bidez 25 tona bio hondakin baino gehiago kudeatzen dira urtean. Auzo konpostan berriz, 57 familiek hartzen dute parte, eta horretarako bost auzo konposta gune ditu martxan Errenteriako Udalak, Agustinak, Alaberga, Fanderia eta Gaztaño auzoan, azken horretan bi gune dira. Auzo konpostaren barruan, 13 tona bio hondakin baino gehiago kudeatzen dira urtean.
Errenteriako Udalak 2014an abiatu zuen konpostajearen egitasmoa. Helburua jatorrizko bereizketa handitzea eta biohondakinen sorreraren prebentzioa hobetzea da konpostajearen bidez. Programa horrekin, auzo eta etxe konpostajearen bidez, hondakin organikoen autokudeaketa sustatu eta erraztu nahi da. Horrez gain, konpostajea egiten duten bizilagunek hartutako lana konpentsatzeko % 40ko hobaria dute euren hondakinak bildu eta ezabatzeko tasan. Aurten 168 familiek eta etxebizitzek izango dute hobari hori. Konposta ere sortzen du, kalitate handiko ongarri naturala, udalerriko lurzoruak materia organikoaz hornitzeko, haren emankortasuna hobetuz.
Konpostatzen hasi nahi duten herritarrek udalean izena eman baino ez dute programarekin bat egiteko.
