Metal eztanda Madalenrocken bigarrenean
Freedom call, Koven eta Blast Wave ariko dira Xabier Olaskoaga plazan larunbatean 22:30ean hasita. Doakoa da kontzertua.
Freedom Call power metal taldea ariko da larunbateko kontzertuan. argazkia: Freedom Call Madalenrockek bigarren ekitaldia izango du larunbatean. Doakoa da kontzertua eta Xabier Olaskoaga plazan egingo dute 22:30ean hasita. Metal doinuak erruz oholtza gainean arituko diren hiru taldeen eskutik. Freedom Call, Alemaniatik heldu den power metal taldeak Silver romance disko berria aurkeztuko du mende laurdena ospatzeko. Antolatzaileen esanetan, epikoa izango da banda alemaniarraren emanaldia.
20003an sortu zuten Koven taldeak partekatuko du oholtza alemaniarrekin. Hogeigarren urteurreneko bira egiten ari da metal melodikoa lantzen duen talde madrildarra. Bi disko soinean, Una nueva esperanza eta En el otro viento, hirugarren lana dute esku artean Manuel Ramil ekoizlearen eskutik.
Hirukoa osatzeko, Blast Wave. Tokiko Power metal taldeak irundarrak, emakume ahotsa lehen lerroan duela lehenengoz egingo du emanaldia.
Metal doinuak maite dituztenentzat aukera paregabea larunbatean. Esan moduan doakoa izango da kontzertua, baino antolatzaileek iraungitzen ez diren elikagai kilo bat eramateko eskatu diete bertaratzen direnei.
