Iturrioztarrak zazpi egunez murgilduko dira festetan
Oiartzungo festarik luzeenak Santiyo Bezperarekin hasiko dira. Hamarnaka ekitaldi antolatu dituzte auzo urdinean.
Haurrentzako jolasek ez dute hutsik egingo. Iturrioztarrek prest dituzte aurtengo santiyuk. Herriko festarik luzeenak izango dira, zazpi egun eta zazpi gau iraungo dutenak. Hilaren 24an, Santio Bezperan, hasiko dira festak, eta San Inazio Egunean izango dira azkeneko ekitaldiak. Tartean, hamarnaka ekitaldi izango dira urdina kolore duen auzoan.
Lertxuna altxatuko dute gaur zortzi —asteazkenean—, eta atseden hartzeko eguna astelehena izango da. Bestela, festa giroa nagusituko da Beko Soroa epizentro duten festetan.
UZTAILAK 24, ASTEAZKENA
- 18:00: Lertxunaren altxaera. Horrekin batera aurtengo ohorezko iturrioztarra izendatuko dugu eta txupinazoarekin aurtengo Santiyuk hasiko dira, agur bat jasoz auzoko dantzarien partetik. Segidan, Oiartzungo buruhandi eta erraldoiak auzoan barrena ibiliko dira musikarien laguntzaz.
- Festari hasiera ona emateko auzo afaria. Jana norberak etxetik eraman beharko du. Batzordeak tokia eta giroa jarriko ditu.
- 22:00: Truk txapelketa Iturri Berri elkartin.
UZTAILAK 25, OSTEGUNA
- 9:00: Goiz eresia Oiartzungo Lartaun Txistulari Taldearekin.
- 10:00: Santiyutako meza nagusia, auzoko hildakoen omenez Bekosoroko gurutzean.
- 11:00: Artisau azoka bikainaz gozatzeko aukera soroan.
- 11:30: Idi-dema.
- 16:30: Iturriozko XXXII. Kronoeskalada auzoan barrena (3-15 urte).
- III. Kronoeskalada Seniorra 18 urtetik gorako animatzen diren guztientzat.
- Oharra: Izen ematea, Uztailak 25 11:00-12:00/15:00-16:00
- Bertan afaltzeko aukera egongo da.
- 22.00: Musika emanaldia Oiartzungo Ane Badiola Ostolaiz, Joxe Leon Amigorena Kazabon eta Irati Odriozola Zugarramurdiren eskutik.
UZTAILAK 26, OSTIALA
- 17:00: Haurrentzako Ginkana.
- 19:00: Pintxo-potea Txoznan, Gure-Txoko tabernan eta Iturri-Berri Elkartean, Bixkor Txarangak girotua.
- 20:00: Kartelada auzoan barrena.
- Gero, ogitartekoak afaltzeko aukera.
- 22:30: Herriko taldeen kontzertuak:
- Zurrounk.
- Hapenin.
- Zilibito Records.
UZTAILAK 27, LARUNBATA
- 10:00: Bizikleta martxa Iturriozko bailaran barrena.
- 11:00: Erraldoi tailerra, auzoan barrena.
- 17:30: POZA Santiyutako XIII. Sagardo dastaketa. Zeinena ote auzoko sagardoik onena aurten? Zuria dela uste baduzu, ekarri 24 botila eta auzotarrok epaituko dugu.
- Oharra: sagardo botilak ekartzeko epea arratsaldeko 14:00tan bukatuko da. Eta norberak arduratu beharko du zerbitzaria edukitzeaz!! Jai Batzordeko kideak ez dira zerbitzatzeaz arduratuko eta.
- 19:30: ElektroTxufla auzoan barrena.
- 20:00: Sagardo dastaketako sari banaketa.
- Bertan afaltzeko aukera egongo da.
- 22:30: Kontzertu gaua:
- Bengo.
- Los Zopilotes Txirriaos.
- DJ Elizkoyak.
UZTAILAK 28, IGANDEA
- 17:30: Ur festa (ez ahaztu bainujantzia, txankletak eta toalla ekartzea).
- 18:30: Txokolatada.
- Bertan afaltzeko aukera egongo da.
- 22:00: Bakarrizketa gaua. Ana Goitia, Ander Malbadi, Luix Mitxelena eta Mirari Martiarenaren eskutik barre egiteko aukera ederra.
UZTAILAK 30, ASTEARTEA
- 14:00: Auzoko jubilatuei bazkaria eskainiko zaie, horeitako batentzat oroigarri eta guzti Iturri-Berri Elkartean.
- 17:00: Pilota txapelketa. Ondoren, Pasakako finala.
- 17:00: Haur-jolasak.
- Bertan afaltzeko aukera egongo da.
- 22:00: Iturriotz, ene! Edurne Agirrezabalaga eta Amaia Ibargurenen antzezlana, auzotarren laguntzarekin.
UZTAILAK 31, ASTEAZKENA
- 9:00: Goiz eresia Oiartzungo Lartaun Txistulari Taldearekin.
- 11:30: Tortilla txapelketa Bekosoroan. Beti bezala, Jai Batzordeak arrautzak, patatak, gatza, olioa eta sua jarriko ditu. Norberak eraman behar ditu zartagina eta osagaiei gehitu nahi dion edozer.
- Oharra: izen-ematea 11:30ak biño lehen egin beharko da.
- 12:30: Amalur Arbelaitz, Xabier Orbegozo, Olaia Ventura eta Iker Sojon arteko desafioa.
- 13:30: Tortilla txapelketako sari banaketa, ondoren tortillen dastaketa irekia.
- 14:00: Erromeria Bekosoron. Txartelak aldez aurretik erosi ber dira (festak hasi baino lehen). Non? Gure Txoko tabernan, Martin harategian.
- Bazkalostean bingoa.
- 16:00: Gaztelu puzgarriak.
- Gero ogitarteko goxoak afaltzeko aukera.
- 21:30: Trikidantz taldearekin dantzaldia.
- 23:00: Zezen suzkoa.
- Segidan, kalejira auzoan barrena, festaRi bukaera egokia Emateko.
- ETa ongi bukatzeko, Trikidantz trikiti taldearekin dantzaldiaren jarraipena eta festaren bukaera, hurrengo urteko Santiyutako falta den denbora kontatzen hasiz.
