Madalenetan, Agustina Otaola pilotalekua partidaz beteta
Hilaren 22 eta 24an, Zuloaga nahiz Etxeberria memorialen, nahiz pilota egokituko partiden egoitza izango da frontoia.
![](https://oarsoaldea.hitza.eus/site/files/2024/07/pilota.jpg)
Pilotakaden hotsa oso nabarmena izango da Agustina Otaola pilotalekuan madalenetan. Hainbat txapelketa eta partida jasoko ditu herriko kirol azpiegiturak.
Madalen Egunean, hilaren 22an, eskuz binakako J. A. Zuloagaren Oroimenezkoaren XXVIII. ekitaldiaren finalak jokatuko dira bertan, 18:00etatik aurrera. Promesen eta Elite Mailako pilotarien partidak izango dira, Alkatrtasuna eta Ondarra elkarteek antolatutakoak. Promesetan, Murua-Elorz eta Gutierrez-Garmendia bikoteak neurtuko dira. Elite Mailakoan, berriz, Azketa-Elizegi eta Egiguren-Lizeaga bikoak ariko dira elkarren kontra. “Bi finalak maila oso altukoak izango dira”, esan dute antolatzaileek.
Hilaren 24an (asteazkena), pilota egokituaren txanda. 11:00etatik 13:00ak arte, eta Mindararen antolakuntzapean, pilotari egokituen hainbat partida izango dira Agustina Otaolan.
Hilaren 24an, baina arratsaldez, palako Joakin Etxeberriaren oroimenezkoaren XXIX. ekitaldiaren azken partidak edo finalak jokatuko dira, Errenteriako Pilotaren Lagunen Elkarteak (EPLE) antolatuak. “Aukera ona izango da herrialdeko etorkizuneko palista onentsuenak ikusteko. Gainera, Senior Mailako finalak borrokatua eta berdindua izateko itxura du”, esan dute EPLEtik. Honakoak dira bertako norgehiagokak:
- Gazte Maila, larruzko paleta: Rekondo-Carballo, Eguskitza-Martinen kontra.
- Senior Maila, pala motza: Ibarguren-Letamendia, Naldaiz-Abelen kontra.