Txupinazora, sabela beteta
Ederki girotu dute txupinazo aurrekoa herri bazkarian. Eguraldiak gidoi aldaketa ezarrita Koldo Mitxelena ikastetxeko jolastoki estalira lekualdatu dute herri bazkaria.
Herri bazkarian ari dira giroa berotzen txupinazorako. Ordu batzuk baino ez dira falta festa lehertzeko. Eguraldiak ez du lagundu baina ez du lortu zapuztea txupinazo aurreko giro ederra. Herri bazkarian dozenaka herritar bildu dira jai batzordearen deiari erantzunez, zapi gorri urdinak lepoan. Azken urteetako jendetsuena izan da, eta ia 300 lagun bildu dira bertara. Bazkari horretan izan dira, ordu exkaxetan txupina pizteko ardura izango duten aurtengo omenduak ere, DYAko boluntarioak. Agertokia aldatu behar izan dute eguraldiaren hobetzea iragarria bazegoen ere, eguerdian bota duelako zer edozer; Herriko Plazaren ordez, Koldo Mitxelena ikastetxeko jolastoki estalian girotu dute bazkarira bildutakoek txupinazo aurrekoa. Ez da erraza izan erabakia, Herriko Plaza dutelako eremu naturala, han sentitzen dira gustura, baina eguraldiak hala derrigortu du aurten.
Urtero bezala giroa bikaina. Mahaiaren buelta, herritik herriarentzat sortutako festen eta Errenteria-Oreretaren aniztasunaren adierazlerik argiena izan da. Festa gogoz daude herritarrak, madalenek noiz eztanda egingo zain, eta horren erakusle izan zen atzo Zumardiak hartu zuen Madalen Aurreko Txistulari kontzertua baita OiangozHau dinamikaren aterkipean egindako Gazte Eguna ere; lehenean lepo zumardia, eta bigarrena ere, arrakastatsua.
Gaur ere ez dira atzean geldituko jai batzordeak antolatutako lehen ekitaldi honetan parte hartzen ari direnak eta txunpa txunpara sasoi betean heltzeko, dantza saioa egingo dute lehenik, bazkalostean Iker Rodriguez DJarekin; tardeo saioa antolatu die. Azken hori baina, Herriko Plazan izango da.
16:30etik aurrera joaldunenak izango dira kaleak alaitzen, eta hurrengo hitzordua Batuburrunbak jarri du 17:15ean Zumarditik abiatuta Koldo Mitxelena plazan Mila koloretako txupinazoa gozatzeko.
Horiek bukatuta, Herriko Plaza izango dute helmuga eta geraleku herritarrek. Lepo betetzen bada, gaur jai eguna izanik, are gehiago beteko da plaza eta inguruak, jendetsuagoa espero da txupinazoa. Deia ere zabaldu dute udaletik, urtero egiten duten moduan kozinatzeko osagaiak sukaldean utzita azaltzeko, txupinazo garbi baten alde, ez dirudi baina egiteko erraza. Ezinbesteko desioa ere jai batzordeak eta udalak, izan daitezen Madalen Jaiak Errenteria-Orereta den bezain eredugarri. Hala izan bedi.
Gaurko egitaraua albistearen behealdean kontsulta daiteke.
Madalenetako gaurko egitaraua
- 16:30 JOALDUNAK. Herriko kaleetan zehar. Antolatzailea: Oaingozhau kolektiboa.
- 17:00-20:00 ATLAS MUNDUA. Adin guztietarako mahai-joko modernoak. Hombrados Oñatibia plaza. Agustinak. Antolatzailea: Asociación Atlas taldea.
- 17:15 BATUBURRUNBA. Zumarditik abiatuta elkarrekin joango gara txupinazo txikira.
- 18:00 MILA KOLORETAKO TXUPINAZO TXIKIA. Koldo Mitxelena plaza.
- 18:30 ANIMAZIOA. Gernika plaza.
- 19:00 TXUPINAZOA jaien hasiera iragartzeko. Omendua izango den DYA Gipuzkoa elkarteak botako du. Errenteriako Musika Bandaren doinuaz. Herriko plaza. PANTAILA ERRALDOIA. Zumardia. HOLI FESTA. Gernika plaza. Era berean zuzenean txupinazoa ikusi ahal izango da honako helbidean: herribizia.errenteria.eus. Jarraian, Udaletxetik abiatuta, Errenteriako Musika Banda, Errenteriako udal txistulari taldea eta Errenteriako txistulariak ibiliko dira BURUHANDI ETA ERRALDOIEKIN batera herriko kaleetan zehar.
- 20:00 Kontzertua: LEE JUNIOR, MARIACHIS (Aguilas de Jalisco), FUSIÓN H, DJ HENRRY PAUL. Francisco Gaskue 1. Antolatzaileak: Taberna Iñaki, Bar AXA eta Oiartzun Taberna.
- 20:30 ERRIOLA GUNEAREN IREKIERA. Koldo Mitxelena plaza. Antolatzailea: Orereta ikastolako Añabitarte guraso elkartea.
- 21:00 BERTSO FESTA Xenpelar bertso eskolaren eskutik. Erriola Gunea (Koldo Mixelena plaza). Antolatzailea: Orereta ikastola.
- 21:00 Kontzertua: MAIALEN IRIONDO eta IZASKUN BERASATEGI. Panier-gunea. Antolatzailea: Oaingozhau kolektiboa.
- 22:00 AFROBEAT FESTA: Sonata Band + DJ Eweka. Gernika plaza. Antolatzailea: Kultura Aniztasuna, Giza Eskubideak eta Garapenerako Lankidetza departamentua Departamento de Diversidad Cultural, Derechos Humanos y Cooperación para el desarrollo, Nigerian Union elkartea.
- 22:30 Kontzertua: MARUXAK. Lino-gunea. Antolatzailea: Oaingozhau kolektiboa.
- 22:30 Kontzertua: EIRE. Merkatu Zahar gunea. Antolatzailea: Oarsoaldeko mugimendu sozialista.
- 22:45 SUZKO ZEZENEN ENTZIERROA. Ibilbidea: Koldo Mitxelena ikastetxea, Biteri Txiki, Xenpelar Kalea, Foru plaza, Herriko plaza.
- 23:00 GAUEKO DANBORRADA HANDIA. Alaberga auzotik irtengo da Deiadar Txarangalagun duela. Ibilbidea: Alaberga, Biteri kalea, Maria de Lezo, Madalen kalea, Herriko plaza, Zumardia, Biteri Txiki, Biteri kalea eta Alaberga. 00:00etan Udaletxearen aurrean “El Centenario” ohiko pasodoblea joko dute. Antolatzailea: Alabergako Arditurri Auzo Elkartea.AA.VV. Arditurri de Alaberga.
- 23:30 LIME “OUT NIGHTS” jaietan kale giroa. Limerick taberna. Antolatzailea: Limerick taberna.
- 23:59 KALEFESTA 2024. Zuzen tabernaren plaza. Antolatzailea: Zuzen Gastropub.
- 23:59 Yo He Bailado REMENBER gaua. Iker Rodriguez & DJ Mitx & Dj Niko. Xabier Olaskoaga plaza.
- 00:00 DJ Bull. Madalena kalea. Antolatzailea: Sindikato taberna.
- 00:00 Kontzertua: Jean Rohmer, Azk, Aces, Sensi Beats, Caste. Merkatu Zahar gunea. Antolatzailea: Oarsoaldeko mugimendu sozialista.
- 00:00 Kontzertua: HOSTOAK. Panier-gunea. Antolatzailea: Oaingozhau kolektiboa.
- 00:30 ZEZENSUZKOA danborradarekin batera. Zumardia.
- 01:00 SOINU SISTEM GAUA: Frontline Steppas+Reparation. Gernika plaza. Antolatzailea: Kultura Aniztasuna, Giza Eskubideak eta Garapenerako Lankidetza departamentua Departamento de Diversidad Cultural, Derechos Humanos y Cooperación para el desarrollo eta Bassque Reagge kultur elkartea.
- 01:00 Kontzertua: IRATZAR ERROMERIA. Lino-gunea. Antolatzailea: Oaingozhau kolektiboa.
- 01:00 Kontzertua: DELIRIUM TREMENS. Zumardia.
