Mozorro Eguneko gaia Kirolak izango dira
Xanistebanetako Mozorro Festan izena emateko epea zabalik dago. Galdetegia abuztuaren 2ra arte bete daiteke, baita abuztuaren 6an bertan ere.
Biyurrieneak Xanistebanetako Mozorro Festa antolatzen daramatza urte batzuk. Festetako azkeneko gauean izaten da. Gai bat aukeratu dute, bozketa bidez, eta gazte taldeak jakinarazi du zein den boto gehiena jaso duena: Kirolak.
Festan (edo bertako lehiaketan) parte hartzeko izena emateko epea zabaldu dutela jakinarazi du Biyurrieneak. Galdetegi bat bete beharko da horretarako, abuztuaren 2ra arte. Bestela, egunean bertan —abuztuaren 6an— Biyurrienearen txosnan bertan eman daiteke, 20:00etatik 02:00etara bitartean. Taldean edo bakarka parte hartuko den jakinarazi behar da. Hiru mozorro onenek saria jasoko dute.
- 1. saria: Asteburu pasa bat, saridun bakarra bada bikote batentzat eta kuadrilla bada parte hartu dutenen artean, gau bat. Irailetik aurrea erabiltzeko.
- 2. saria: Ordoxelaien otordua, saridun bakarra bada bikote batentzat eta kuadrilla bada parte hartu dutenen artean.
- 3. saria: Scape room bat.
