Aldaketak egongo dira trafikoan abuztuaren 10ean eta 11n
Estropadak eta Donostiako Klasikoa direla medio, Pasaiako trafikoan aldaketak egongo dira abuztuaren 10ean eta 11n.
Donostiako Klasikoan txirrindulariak Estropaden eta Donostiako Klasikoaren ondorioz abuztuaren 10ean eta 11n trafiko aldaketak izango dira herrian.
Batetik, abuztuaren 10ean, Donostiako Itzulia dela eta, Pasai Donibaneko irteera itxi egingo da 13:45etik 15:45era, lasterketa Jaizkibelera igotzeko bidegurutzetik igaroko baita. Halaber, Jaizkibelerako sarbidea trafikoarentzat itxita egongo da.
Gainera, Pasai Antxotik Nafarroa etorbiderako irteerari ere eragingo dio 13:30etik 17:00etara, aurten bi aldiz eta ordutegi desberdinetan gurutzatuko baitute Nafarroa etorbidea. Ordu horretan herritik irteteko Oarso kaleko zubia erabiltzea gomendatzen da.
Bestalde, Pasai San Pedron egingo den Eusko Label Ligako estropada dela eta, ezin izango da San Pedroko kaian aparkatu abuztuaren 10ean ezta 11n ere. Horri erantzun bat emate aldera, Hospitalilloko aparkalekua egokituko da -Gudari plazatik gertuen dagoen gunean, Esnabideko hesia irekiz- San Pedroko herritarrei sarbidea errazteko.
Aparkaleku hori abuztuaren 9ko 16:00etatik aurrera erabili ahal izango da, abuztuaren 11ko 18:00ak arte.
