Plaza bete dute xanistebanen azken egunean
Ardi Latxa elkarteak deituta, 700 lagun baino gehiago bildu dira Done Eztebe plazan. Euria hasi badu ere, festa ez da gelditu.
Gaur bukatuko dira xanistebanak eta umorearen txinpartak piztu-piztuta segitzen du. Gaurkoan arkume jatea egin dute Done Eztebe plazan, eta mahaian esertzeko orena 14:30ean bazen ere, musikariak dantza eta algaran segitu dute geroago ere.
Ilara luzeak izan dira zaragozarrek kozinatutako paella jatekoa, eta bi aldiz errepikatu da irudia, platera errepikatzeko aukera izan baitute arroz zaleek. 16:30ak aldera jateari utzi diote batzuek, euria hasi baitu eta eserita zeudenak estaltzeko estalki batzuen bila joan dira. Dena den, festa ez da eten eta azken eguna hurrengo goizera arte probestuko duenik izango da.
