Lehia utzi behar izan du Iñigo Iglesiasek, arazo teknikoengatik
Munduko Motoziklismo Txapelketa jokatzeko arazo teknikoak izan ditu errenteriarrak. Portugalen izan du ezustekoa.
Iñigo Iglesias Bravo (Iñi 58) errenteriarra Munduko Motoziklismo Txapelketaren 9 eta 10. karreretan parte hartu du asteburu honetan. Portugalgo Portimao herrian izan da Iglesias, RT Motosport taldea ordezkatuz.
Aurreikuspenak onak baziren ere, ez da Iglesiasen asteburu onena izan. Izan ere, arazo tekniko batzuengatik erretiratu behar izan du. Ezin izan du lasterketarik bukatu, eta ondorioz, ez du punturik eskuratu errenteriarrak. Dena den, klubeko iturrien arabera, “indartsu eta animatuta” dago Iglesias, eta orain motoa prest uztea izango dute helburu taldekoek. Irailaren 6 eta 8an izango ditu hurrengo lasterketak.
Orain arteko maila mantentzea eta txapelketako buru izaten jarraitzeko puntuak gehitzea zuen helburu Iglesiasek asteburu honetan. Baina, asteburuko gorabeheraren ondorioz, une honetan haren aurkari nagusi den Veneman aurretik jarri zaio (10 puntura) eta Mahendra oso gertu du errenteriarrak (azpitik puntu batera).
