PSE-EE: "Donostiako trafiko arazoak ezin dira pasaitarren kaltearen kontura konpondu"
Ertzaintzarekin eta aldundiarekin batera neurriak hartu behar direla diote, mugikortasuna ez dadin mugatuta egon.
Ricardo Ugarteren 'Portu batetarako Aingura' Gomistegin kokatu zuten egunekoa; lehendik Portuan egon zen, Buenavistako kaian Pasaiako PSE-EE taldeak idatzi bat erregistratu berri du. Honetan, Teo Alberro alkateari honakoa eskatu diote: “informa dezan zein kudeaketa eta neurri aurreikusi dituzten Donostiako trafikoaren mugek ez dezaten sanpedrotarren eta trintxerpetarren zirkulazioa kolapsatu”, diote, Gomistegiko biribilguneari erreferentzia eginez.
Gogorarazi dute azken aste eta hiletan Donostiako Udalak erdigunera trafikoa mugatzeko neurriak hartu dituela, eta horrek eragin zuzena duela Gomistegiko biribilgunean. “Mugatzen du eta asko zailtzen du Trintxerpe eta San Pedroko bizilagunen irteera eta sarrera”, dio Lore Suarez bozeramaileak. Kasu batzuetan, 45 minutuko auto ilarak eman direla diote, kezkati. “Donostiako trafiko arazoak ezin dira konpondu pasaitarren kaltearen kontura”, erantsi du Suarezek.
Ertzaintzarekin eta aldundiarekin batera neurriak hartu behar direla diote, mugikortasuna ez dadin mugatuta egon. Horregatik Teo Alberrori eskatu diote Donostiako alkateari eta baita aldundiko arduradunei “beste neurri batzuk badirela” jakinarazteko, “errazak, zeinak Donostian efektu berbera lortzen duen eta Pasaiako mugikortasunean ez duen eraginik”.
