'Lur eta Amets' filmak emango dio hasiera udako Zinema Asteari
Gaur hasi eta ostirala bitartean izango da Zinema Astea. 'Errementari' eta 'Erlauntza' filmak ere proiektatuko dituzte.
Ikasturte berria hastear bada ere, oiartzuarrek zinez uda kutsua duen plan bat egiteko aukera izango dute aste honetan; izan ere, udako Zinema Astea antolatu dute, eta gaur izango da lehen hitzordua. Hiru film proiektatuko dituzte ostirala (abuztuak 30) bitartean, eta gaurkoa ‘Txikiyen gaua’ izango da. Gauean, beraz, ‘Lur eta Amets’ filma ikusteko aukera izango dute herriko txikienek.
Asteazkena, abuztuak 28, ‘Gau Magikoa’ izango da, eta ‘Errementari’ filma izan da egun horretarako aukeratu dutena. Azkenik, ‘Erlauntza’ filma izango da udako Zinema Asteari amaiera emango diona ostiralean, abuztuak 30.
Hitzordu guztiak gaueko hamarretan izango dira, Kontzejupean (San Juan kalearen aurrean).
Hona hemen gaurko filmaren trailerra.
