National Geographic aldizkariak Albaolaren lana aitortu du
+ Historia Sarietarako izendatu dute itsas eta kultur faktoria, "zorroztasun zientifikoan, jatortasunean eta kalitatean oinarritutako istorio historiko bat eskaintzen" duelako.
Albiste oso onak heldu dira Albaola Itsas Kultur Faktoriara, xanpaina hozkailuan sartzen hasiak dira. Izan ere, Historia National Geographic aldizkariaren + Historia Sarietarako izendatu dute faktoria, Estatu osoan “historia, ondarea eta kultura zabaldu eta sustatzeagatik”. Izendapen honi esker, Herri Kulturaren Museoa kategorian saria lortzeko hautagaitzetako bat izango da.
“Albaola Itsas Kultur Faktoriak zorroztasun zientifikoan, jatortasunean eta kalitatean oinarritutako istorio historiko bat eskaintzen die herritar bisitariek euren aurrean ondare balioa duten zurezko ontziak eraikiz eta zaharberrituz. Hori guztia artisau moduan eta ohiko tresnak, teknikak eta eskulanak erabiliz, hala nola ibaiertzeko zurgintza, sokagintza edo forja tradizionala”, diote aldizkariko iturriek. San Juan bale ontziaren proiektua goraipatu dute, besteak beste.
Lotura honetan bozkatu daiteke, aipatutako Herri Kulturaren Museoa kategorian.
