Irailean ere askotariko jarduerak eskainiko ditu Mater-ek
Irteerak ontzian, bisitak, hondakin bilketak... Datozen egun eta asteetarako agenda oparoa prestatu du ontzi museo ekoaktiboak.
Uda bukatzear bada ere, irailerako ere askotariko jarduerak antolatu ditu Mater Ontzi Museo Ekoaktiboak. Hileko lehen jarduera irailaren 5ean (osteguna da) izango da, arrain lonjak nola funtzionatzen duen ezagutzeko bisita izango da. 13 euro ordaindu beharko dute interesdunek eta 5:50etik 7:20era izango da. Hilaren 19an ere arrain lonjara bisita izango dela iragarri du museoak, ordu berean.
Hilaren 6an (ostirala) eta 27an (ostirala ere) ilunabarraz itsasotik gozatzeko irteera egingo dute. 30 euro ordaindu beharko dira, eta 12 urte beherakoek, berriz, 12. 6koa 19:45etik 21:15era izango da eta 27koa 19:15etik 20:45era.
Hilaren 7an (larunbata da) bi jarduera izango dira: itsas hondakinak arrantzatzeko irteera (11:00etan hasiko dute eta doakoa da) eta Jaizkbelgo itsaslabarrez gozatzeko irteera (16:30etik aurrera, 30 edo 15 euroren truke).
Hilaren 8an (igandea da) Kontxako Bandera jokatuko da, eta itsasotik ikusteko pribilegioa izango da Mater-ekin. Izan ere, 50 euroren truke, estropadez gozatzeko aukera izango da.
Hilaren 22an (igandea da) kostaldea ikertzen ariko dira Azabaratza proiektuaren barruan, eta 29an (igandea da) berriz, Alabortza ingurua auzolanean garbitzera deitu dute. 11:00etan jarri dute hitzordua, Donibaneko Alabortzan.
Informazio gehiago jasotzeko eta izena emateko lotura honetara jo daiteke.
