Iraileko aisialdirako agenda zabaldu du udalak
33 dira zehazki iraileko esku orrian zerrendatuta dauden ekintzak. Hala ere, zehaztutako bi ekitaldietan aldaketak egon dira.
Ikasturte berriaren hasierarekin batera aisialdiko jardueren jarioa nabarmen handituko da Oiartzunen; izan ere, irailerako, besteak beste, txangoak, musika emanaldiak, Poesia Egunak, zinema saioak, Ugaldetxoko festak, komiki erakusketa eta Erdi Aroko jardunaldiak antolatu dituzte.
Herriko etxeetan abuztuko agendarekin batera banatu zituzten irailerako aurreikusita zeuden ekintzen nondik norakoak, eta esku orrian adierazitako ekintzetan zenbait aldaketa egon direla iragarri dute: esaterako, irailaren 14rako aurreikusita zegoen Beloagaren inaugurazioa atzeratu egin dute, eta urriaren 5a da data berria. Bestalde, gogorarazi dute, Gurutzeko Jai Batzordeak azaldu zuen moduan, aurten ez dituztela auzoko jaiak ospatuko.
Iraileko agenda osorik ikusteko, egin klik hemen.
