Udal igerilekuetan igandean bukatuko da udako denboraldia
Hilaren 9tik aurrera—astelehena— neguko ordutegia jarriko dute martxan udal kirol instalazioetan.
![](https://oarsoaldea.hitza.eus/site/files/2024/09/fanderiako-igerilekua-scaled-1.jpg)
Igandean, hilaren 8an, bukatuko da udako denboraldia Errenteriako udal igerilekuetan, eta hortaz, astelehenetik aurrera neguko ordutegiarekin ariko dira kirol instalazioak.
Fanderiako instalazioa, gainera, itxita izango da hilaren 9tik 22ra arte geldialdi teknikoa eta garbiketa eta mantentze lanak egiteko, igerilekuko hodiak erabat hustu eta garbitzeko, legionelosia prebenitzeko, eta iturgintzako eta igeltserotzako ohiko konponketak egiteko. Gauzak horrela, hilaren 23atik aurrera Fanderiako kirol instalazioak neguko ordutegiarekin zabalduko ditu gimnasioa eta jarduera aretoa: astelehenetik ostiralera 07:00etatik 21:30era; larunbatetan, 09:00etatik 21:30era, eta igandeetan, 09:00etatik 14:30era.
Galtzarabordako kiroldegiko neguko ordutegia, astelehenetik ostiralera 06:30etik 22:00era; larunbatetan 08:00etatik 22:00etara, eta igandeetan, 08:00etatik 14:00etara.
Hilaren 15etik aurrera, igandetan arratsaldeko ordutegia berrabiaraziko dute, 16:00etatik 20:00etara.
Izen emateen eta ikastaroen gaineko kontsultak Galtzarabordako kiroldegiko harreran egin daitezke (943 44 96 90).