Mahai teniseko lurralde arteko txapelketa asteburuan
Gizon eta emakumeen selekzio autonomikoen lurralde arteko txapelketa 09:30etik 20:00etara jokatuko dute Galtzarabordako Kiroldegian.
Mahai tenisa erruz, larunbatean. Mahai teniseko gizon eta emakumeen selekzio autonomikoen lurralde arteko txapelketa jokatuko da Galtzarabordako kiroldegian asteburuan. Txapelketa Fontaneria Irurieta-Beraun elkarteak antolatu du Euskal federazioarekin elkarlanean eta partidak doan ikusi ahalko dira larunbatean 09:30etik 20:00etara, eta igandeko 09:00etatik 13:00etara.
Benjamin, Alebin, Haur, Kadete eta Gazte Mailetako kirolariei begirakoa da txapelketa eta Andaluzia, Aragoi, Asturias, Kantabria, Gaztela Mantxa, Gaztela Leon, Extremadura, Galizia, Madril, Nafarroa eta Euskadiko taldeek hartuko dute parte. 8 eta 18 urte arteko maila goreneko jokalariak ikusteko aukera izango da txapelketaren harira.
Hori horrela, Errenteriako Udalak herritar guztiak deitu ditu txapelketara gerturatu eta harekin gozatzera.
